20 mamyrda Astanada Qazaqstan Respýblıkasy Saýda jáne ıntegrasıa mınıstrliginiń Tehnıkalyq retteý jáne metrologıa komıteti Ózbekstan Respýblıkasy Mınıstrler Kabıneti janyndaǵy Ózbek tehnıkalyq retteý jónindegi agenttiginiń delegasıasymen resmı kezdesý ótkizdi.
Kelissózder sheńberinde taraptar tehnıkalyq retteý, standarttaý, sáıkestikti baǵalaý jáne metrologıa salasyndaǵy ekijaqty ózara is-qımyldyń negizgi aspektilerin talqylady. Sáıkestikti baǵalaý salasyndaǵy yntymaqtastyqty damytý, onyń ishinde saýdadaǵy tehnıkalyq kedergiler jáne sanıtarıalyq-fıtosanıtarıalyq sharalar, sondaı-aq memlekettik baqylaý máseleleri jónindegi aqparattyq ortalyqtyń jumys isteýi máselelerine erekshe nazar aýdaryldy.
Talqylaý standarttaý salasyndaǵy, onyń ishinde ulttyq standarttardy halyqaralyq jáne óńirlik normatıvtermen úılestirý kontekstindegi ózara is-qımyldy tereńdetý perspektıvalaryn da qamtydy. Taraptar tehnıkalyq retteý salasyndaǵy qoldanystaǵy zańnama týraly aqparat almasty, osy saladaǵy quqyqtyq qamtamasyz etýdiń aǵymdaǵy tásilderin talqylady jáne retteýshi tájirıbelerdi odan ári jaqyndastyrýǵa múddelilik bildirdi.
Kezdesý qorytyndylarynyń biri - «Qazaqstandyq standarttaý jáne metrologıa ınstıtýty» RMK men «Ózbek ǵylymı synaqtar jáne sapany baqylaý ortalyǵy» memlekettik mekemesi arasyndaǵy sáıkestikti baǵalaý salasyndaǵy 2025-2026 jyldarǵa arnalǵan ekijaqty yntymaqtastyqty damytý jónindegi qyzmetti iske asyrý jónindegi is-sharalar josparyna qol qoıyldy.
Qujat eki taraptyń praktıkalyq ózara is-qımyldy tereńdetýge, bilim almasýǵa jáne halyqaralyq standarttarǵa sáıkes ónimder men qyzmetterdiń sapasyn arttyrýǵa degen umtylysyn kózdeıdi.
Taraptar syndarly dıalogty jalǵastyrýǵa daıyn ekendikterin rastady jáne qol jetkizilgen ýaǵdalastyqtar eki el arasyndaǵy tehnıkalyq retteý jáne standarttaý salasyndaǵy yntymaqtastyqty nyǵaıtý jolyndaǵy mańyzdy qadam bolatynyna senim bildirdi.