Almatydaǵy Saıran kólinde jergilikti faýna qalpyna kele bastady. 1971 jyldan beri Almatyda alǵash ret Almaty ákimi Erbolat Dosaevtyń tapsyrmasymen Saıran kóli tazartyldy.
Bul jumys byltyr turǵyndardyń tunba men qamystyń shirigen ıisine shaǵymnyń kóbeıýine baılanysty júrgizildi. Kóldiń túbinen jáne jaǵasynan 140 myń tekshe metrden astam qoqys pen laı shyǵaryldy, dep habarlaıdy Almaty-akshamy.kz.
Saıran qala turǵyndarynyń demalysatyn jáne serýendeıtin súıikti ornyna aınaldy. Almatylyqtar kólde balyqty kórdi, al jaǵalaýda balyq aýlap turǵan aqqutandy baıqady.
Fotograf Dmıtrıı Dosenko aqqutannyń kókbas balyǵyn aýlap turǵanyn sýretke túsirip aldy.
«Bul bizdiń Alataýdyń endemık balyǵy. Sondyqtan mende óte qundy sýret túsirdim! Oılap qarańyzshy, 2024 jyly eki mıllıon turǵyny bar megapolıstiń qaq ortasynda endemık naǵyz jabaıy tabıǵatty kóre alasyz! Bul ǵajap nárse, ony qorǵaý kerek», - dedi almatylyq fotograf óziniń Instagram paraqshasynda.
Aıta keteıik, bıyl Almaty ákimdigi Áýejaı kóli men Qarasý kólin tazartýdy josparlap otyr.
Instagram paraqshasy: https://www.instagram.com/p/C3xjoh5Ilt9/?igsh=MTRxZHJiYnV3M3ptNg==