Búginge deıin Mońǵolıadaǵy mal shyǵyny 1,5 mıllıonnan asyp tústi.
Buqaralyq aqparat quraldarynyń ókilderine arnalǵan baspasóz máslıhatynda Mońǵolıa premer-mınıstriniń orynbasary, Tótenshe jaǵdaılar jónindegi memlekettik komısıasynyń jetekshisi Saıanbýıaǵın Amarsaıhan osyndaı derek keltirilgen málimdeme jasady.
Bul jaıynda islam.kz portaly forbes.kz aqparat kózine silteme jasaı otyryp málim etedi, dep habarlaıdy Almaty-akshamy.kz.
Mońǵolıada klımattyń ózgerýine baılanysty qysta aq, temir nemese muz jáne qara dep aýyrlyǵyna baılanysty sanatqa bólinetin jut túrlerinen osy qystyń basynan beri Mońǵolıanyń basym bóliginde atmosferalyq aýa temperatýrasynyń kúrt aýytqýy men qalyń qardyń saldarynan mal qynadaı qyrylǵan. Aq jut qar qalyń jaýǵanda keledi, maldyń qoregi qar astynda qalatyndyqtan osylaı atalǵan. Al temirjut nemese muz juty kóktaıǵaq kezinde oryn alady – mal tebindep jaıyla almaıdy, býaz bıeler ish tastaıtyn kez. Osy oraıda mal sharýashylyǵy Mońǵolıa ekonomıkasynyń negizgi tiregi ekenin aıta ketpekpiz: kóshpeli halyqtyń 40%-y osy malmen kúnkórip otyr.