Bul týraly onyń advokaty Suńqar Nurmaǵambetov aıtty.
Qytaıda ómir boıyna bas bostandyǵynan aıyrylǵan Aqjarqyn Turlybaıdy Qazaqstanǵa qaıtarýǵa naqty múmkindik bar, dep habarlaıdy Almaty-akshamy.kz
«2014 jyly Aqjarqyn Turlybaı Gýanchjoý áýejaıynda ustaldy. Sol jyly Rostov qalasynyń turǵyny Marıa Dapırka Hoshımın qalasynda qamaýǵa alyndy. Ortalyq Azıa óńirlik aqparattyq úılestirý ortalyǵy qyzdardy nıgerıalyq esirtki tasymaldaýshylardyń qurbany dep tanydy, ekeýi de ómir boıyna bas bostandyǵynan aıyryldy. Aqjarqyn Turlybaıǵa qatysty aıtsaq, jaqyn arada Qazaqstanǵa beriledi dep kútip otyrmyz», - dep jazdy Nurmaǵambetov jelidegi paraqshasynda.
Onyń aıtýynsha, Marıa Dapırkany eline qaıtarýǵa pandemıa, komýnıkasıanyń buzylýy, álemdegi Reseıge qatysty jaǵdaı áser etýi múmkin.
«Qyzdardyń otanyna oralýyna naqty múmkindik bar», - dep túıindedi ol.
Aqjarqyn Turlybaı 2014 jyly naýryzda Gýanchjoý áýejaıynda ustalǵan bolatyn. Oǵan shekaradan 4,5 keli esirtkini alyp ótpek boldy degen aıyp taǵyldy. Ol kezde otandasymyz 20 jasta bolǵan edi. 2015 jyldyń maýsymynda Qytaı soty ony ómir boıyna bas bostandyǵynan aıyrdy. Sotta Aqjarqyn sheteldik dosy aldap ketkenin aıtyp, kinásin moıyndaǵan joq.