QazTAG aqparat agenttiginiń habarlaýynsha, Sybaılas jemqorlyqqa qarsy is-qımyl agenttigi Dáýren Abaev Mádenıet jáne sport mınıstri bolyp turǵan kezdegi zań buzýshylyqtardy teksere bastaǵan, dep habarlaıdy Almaty-akshamy.kz.
«Dáýren Abaev mınıstr bolyp turǵan kezdegi zańsyzdyqtarǵa Antıkor nazar aýdara bastady. Qazir tekserý júrip jatyr. 2022 jyly ótken «Eýrazıa» halyqaralyq kınofestıvaline qatysty», – degen aqparat kózi.
Kınofestıval ótkizýdegi zańsyzdyqtar jónindegi redaksıa saýalyna Antıkordyń sotqa deıingi tergeý qyzmetiniń jetekshisi Qanat Súleımenov bylaı dep qysqa jaýap qaıtarypty:
«Sybaılas jemqorlyqqa qarsy is-qımyl agenttiginde QR Mádenıet jáne sport mınıstrliginiń laýazymdy tulǵalaryna qatysty qylmystyq is tergelip jatyr»
Esterińizge salaıyq, «Eski Qazaqstannyń» belsendi ókilderiniń biri Dáýren Abaev 2022 jyldyń qańtarynan 2023 jyldyń qańtaryna deıin Mádenıet jáne sport mınıstri qyzmetin atqardy. Bıylǵy jyldyń naýyryzynan bastap TMD Bas hatshysynyń orynbasary laýazymynda. Qazir D.Abaev qyzmet babyna baılanysty Belarýs astanasy Mınskide turady.
Eger D.Abaevtyń kezinde zań buzýshylyqtar jasalǵany dáleldense, Abaevtyń ózi qylmystyq jaýapkershilikke tartyla ma? Bul máselege qatysty Abaevtyń ózi ne der eken?..