Jedel tergeý sharalary jalǵasýda.
QR Sybaılas jemqorlyqqa qarsy is-qımyl agenttigi tóraǵasynyń burynǵy orynbasary Maqsat Qojabaev ustaldy, dep habarlaıdy Almaty-akshamy.kz QazAqparatqa silteme jasap.
QR Ulttyq qaýipsizdik komıtetiniń málimetinshe, 2023 jylǵy 9 qańtarda Ulttyq qaýipsizdik komıteti sotqa deıingi tergeý aıasynda jemqorlyq quqyqbuzýshylyq jasady degen kúdikpen quqyq qorǵaý organdarynyń burynǵy joǵary laýazymdy qyzmetkeri M.Qojabaevty ustady.
«Jedel tergeý sharalary jalǵasýda. Ózge aqparat tergeý múddesinde jarıalaýǵa jatpaıdy», - dep habarlady komıtettiń baspasóz qyzmetinen.
Esterińizge sala ketsek, 2022 jyldyń 21 sáýirinde Memleket basshysynyń ókimimen Maqsat Amanqululy Qojabaev Qazaqstan Respýblıkasynyń Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń orynbasary laýazymynan bosatylǵan edi.