AQSH-tyń Nú-Meksıka shtatynda orman órtenip, mańyndaǵy bútin bir aýyl janyp ketti.
Órt 2 kúnde 6 myń gektar jerdi sharpydy. Sonyń saldarynan Rýıdoso aýylynda 1400 úı qırap, 7 myńnan astam adam qaýipsiz jerge kóshirildi, dep habarlaıdy almaty-akshamy.kz 24.kz-ke silteme jasap.
Jergilikti polısıa bir adamnyń kóz jumǵanyn málimdedi. Aımaqta tótenshe jaǵdaı jarıalanyp, órt sóndirýge AQSH Ulttyq gvardıasynyń qyzmeti jumyldyryldy. Brıanna Ventýra, Lınkoln okrýginiń TJ qyzmeti boıynsha ókili: - Óte aýqymdy órt. Dál mundaı apatty jaǵdaıdy osyǵan deıin bul mańnan kórmedim. Turǵyndardy shuǵyl túrde evakýasıalap úlgerdik. Aýyl bir-aq sátte turýǵa jaramsyz bolyp qaldy. Grekıada tótenshe jaǵdaı jarıalandy Grekıa da orman órtimen arpalasyp jatyr. Bılik apatqa baılanysty tótenshe jaǵdaı jarıalady. Afına mańyndaǵy aýdandarda 60-tan astam órt oshaǵy tirkelgen. Órt sóndirýge 150-den astam maman men 45 tehnıka jumyldyrylǵan. Aıtýlarynsha, qyzyl jalynmen kúresýge aımaqtaǵy aptap kedergi keltirýde. Synap baǵanasy 38 gradýstan asady.