Almatynyń Qala qurylysyn baqylaý basqarmasynyń málimetinshe, nysan zańsyz salynǵan.
Bekmahanov kóshesiniń batysynda Soltústik aınalma kóshesiniń soltústik jaǵyndaǵy ýchaskedegi nysandy jospardan tys tekserý barysynda tıisti ruqsat qujatynyń joqtyǵy anyqtaldy, dep habarlaıdy almaty-akshamy.kz
Basqarma aýdandyq sotqa zańsyz turǵyzylǵan nysandy buzýǵa shaǵym túsirgen. Jetisý aýdandyq sotynyń 2022 jylǵy 9 maýsymdaǵy sheshimimen avtokólik jýý óz betinshe salynǵan dep tanyldy.
Jaqynda menshik ıesi (jeke tulǵa) qalalyq Ádilet departamentiniń sot oryndaýshylarynyń qatysýymen nysandy erikti túrde buzdy.
Jalpy, Almaty ákimi Erbolat Dosaevtyń zańsyz qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 38 zańsyz nysan tolyq nemese jartylaı buzyldy, onyń ishinde «Mechta», «KHAN», «Graf», «Alma Garden» TÚK jáne t.b. bar.