«Habar» agenttiginiń basshylyǵy jazǵy Olımpıada oıyndary qarsańynda qazaq sport jankúıerlerin qýantyp, belgili sport jýrnalısi Amangeldi Seıithan marqumnyń uly Bekasyl Seıithanǵa tizgin ustatty.
«Habar» agenttigi usynǵan aqparatqa sáıkes, Bekasyl Seıithan sport jýrnalıskasyna bala kezden qumartqan. Alaıda onysyn baıqatpaǵandyqtan ákesi úıinde bolashaq komentatordyń ósip kele jatqanyn múlde bilmegen. Ákesi kóz jumǵan soń, komentator isin qolǵa alyp, izin jalǵastyrýǵa kirisken. Jeke sport arnasynda sheberligin shyńdap júrgen Bekasyl Seıithan 1 jyldan astam ýaqyt ishinde 100-den astam efır júrgizgen. Osy Olımpıadaǵa irikteý kezeńderin de júrgizgen, dep habarlaıdy aqshamnews.kz
«Ákesiniń asyl qasıetteri Bekasylǵa daryǵan, tanymal komentator bolatynyna senimdimiz. Jas komentator bolǵan soń kórermender túsinistikpen qaraıdy dep oılaımyz», deıdi sport jýrnalısıkasyndaǵy aǵalary.
Odan bólek, Olımpıada-2024 oıyndarynda «El arna», «Habar» arnalarynan 7 sport kommentantatory jumys isteıdi.
Jas komentator Bekasyl Seıithannyń Parıj Olımpıadasyndaǵy alǵashqy efırin 27 shilde kúni saǵat 14:00-de «El arna» telearnasynan tamashalaýǵa bolady.