Qazirgi ýaqytta tizilimde barlyǵy 4510 kásipti qamtıtyn 838 kásiptik standart bar.
QR Eńbek jáne halyqty áleýmettik qorǵaý mınıstrligi janyndaǵy Kásiptik biliktilik jónindegi ulttyq organ kásiptik standarttar tizilimine eńbek naryǵynda neǵurlym talap etiletin kásipter boıynsha múddeli memlekettik organdar ázirlegen 189 jańa kásiptik standartty engizdi, dep habarlaıdy akshamnews.kz
Jańa kásiptik standarttardy ázirleý qajettiligin aıqyndaý nemese qoldanystaǵy kásiptik standarttardy qaıta qaraý jónindegi jumysty memlekettik organdar janyndaǵy 50-den astam salalyq keńes júrgizedi. Olardyń quramyna 900-den astam adam kiredi, olardyń ishinde memlekettik organdardyń, jumys berýshilerdiń, salalyq birlestikterdiń (qaýymdastyqtardyń, odaqtardyń), oqý-ádistemelik birlestikterdiń jáne t. b. ókilderi bar.
Sondaı-aq, memlekettik organdar 54 salalyq biliktilik sheńberin ázirledi jáne ózektendirdi, olar oryndalatyn jumystardyń kúrdeliligine jáne paıdalanylatyn bilimniń, iskerlikter men quzyretterdiń sıpatyna baılanysty deńgeıler boıynsha mamannyń biliktiligine qoıylatyn talaptardy qamtıdy.
Kásiptik standarttar men SBSH ázirleý jáne ózektendirý jónindegi jumys Ulttyq biliktilik júıesin damytý sheńberinde júrgiziledi.
Esterińizge sala keteıik, Kásiptik biliktilik jónindegi ulttyq organ turaqty negizde kásiptik standarttardy ázirleýdiń negizgi prınsıpteri men kezeńderin túsindirý boıynsha semınarlar ótkizedi.