Comex bırjasynda (Nú-Iork taýar bırjasynyń bólimshesi) 2025 jyldyń maýsym aıynda jetkiziletin altyn fúchersteriniń baǵasy óziniń tarıhı maksımýmyn jańartyp, bir troı ýnsıasy úshin $3 250 belgisinen joǵarylady.
Bul týraly saýda alańynyń derekterine súıenip otyryp TASS agenttigi jazdy, dep habarlaıdy aqshamnews.kz.
Astana ýaqytymen keshegi, ıaǵnı 11 sáýir kúngi 15:13-tegi jaǵdaı boıynsha baǵaly metaldyń baǵasy 0,44%-ǵa kóterilip, bir troıa ýnsıasy úshin 3 251,9 dollarǵa jetti. Saǵat 15:28-de altyn baǵasy bir ýnsıa úshin 3 248,8 dollarǵa deıin (+0,35%) ósýin báseńdetti.
Bul rette Londonnyń ICE bırjasynda 2025 jyldyń maýsym aıynda jetkiziletin Brent markaly munaı fúchersteriniń baǵasy barreline 0,8%-ǵa ósip, $63,91- den asyp jyǵyldy. Osy jyldyń mamyr aıynda jetkiziletin WTI markaly munaı fúchersteriniń baǵasy 1,47%-ǵa ósip, barreline 60,67 dollar boldy.