Qazirgi ýaqytta jobanyń 70 prosenti aıaqtalypty.
Qurylysy tórt jylǵa sozylǵan «Altyn Orda» mańyndaǵy jol bıyl salynyp bitedi. Jaýaptylar on jolaqty kúre joldy aldaǵy aıda qoldanysqa bermek. Muny Indýstrıa jáne ınfraqurylymdyq damý vıse-mınstri Berik Kamalıev aıtty. Budan bólek, merdigerler Almaty men Qaskeleń arasynda taǵy birneshe kópir men aınalmaly jol salýdy josparlap otyr, dep habarlaıdy Almaty-akshamy.kz 24.kz-ke silteme jasap.
Almaty-Bishkek halyqaralyq avtojolynyń 16-19 shaqyrym aralaǵyn kúrdeli jóndeýge úkimet qazynasynan 11 mlrd teńge qarajat bólingen edi. Kóp jyldan beri «Altyn orda» bazary mańynan tańerteń jáne keshki ýaqytta kólikpen erkin ótý múmkin bolmaı keledi. Qalaǵa kirip shyǵatyn dálizde kún saıyn kólik keptelisi bolady. Budan júrgizýshilerdiń ábden yǵyry shyqty. Qazirgi ýaqytta jobanyń 70 prosenti aıaqtalypty. Endi eki kópirdi bitirý ǵana qaldy deıdi merdiger mekemeniń mamandary.
«Kópirdiń uzyndyǵy - 600 metr. Onyń bir jaq baǵytyndaǵy jumys aıaqtalyp qaldy. Qalǵan 80 metrine beton quıý men asfált tóseý jumysy jýyq arada bitedi. Endi Almatydan oblysqa baratyn baǵyttaǵy ekinshi kópir jasalyp jatyr. Monolıttik jumys bitken soń qópirdiń jaqtaýlary ornatylyp, jaryqtandyrý jasalady», - deıdi qurylys jobasynyń jetekshisi Ismet Ábilov.
Sondaı-aq qazirgi ýaqytta «Qazavtojol» mekemesi Almaty-Uzynaǵash baǵytyndaǵy 42 shaqyrymdyq jolǵa kúrdeli jóndeý jumystaryn júrgizip jatyr. Al «Altyn orda» bazarynyń aldyndaǵy jolmen kún saıyn qalaǵa 40 myńǵa jýyq avtokólik kiredi. Endi bir aıdan keıin bul jol qurylysy tolyq aıaqtalady deıdi mınıstrdiń orynbasary.
«Osy qazannyń aıaǵyna deıin osy jerdegi on jolaq bitedi. Almaty qalasynda qarasha aıynda da jumys isteýge bolady. Sapasyn qarap otyramyz. Tekserip otyrady», -dedi QR ındýstrıa jáne ınfraqurylymdyq damý vıse-mınıstri Berik Kamalıev.
Buǵan deıin de Úkimet basyndaǵylar eldiń júıkesin juqartqan «Altyn orda» jolyn 2020 jyldyń sońynda paıdalanýǵa beremiz dep ýáde etken edi. Biraq ol ýáde oryndalmaǵan. Bul joly jospar ýaqytynda iske assa, birneshe shaqyrymǵa sozylǵan keptelis seıilip, el de alǵysyn aıtar edi. Jalpy bıyl elimizde 6 myń shaqyrym joldy jóndeý jumystary bastalǵan. Sonyń 2200 shaqyrymy bıyl aıaqtalady.