Taekvondodan Qazaqstan quramasy «2021 COAS Pakistan Open Taekwondo Championships» halyqaralyq týrnıriniń komandalyq esebinde birinshi orynǵa ıe boldy, dep habarlaıdy almaty-akshamy.kz Olympic.kz silteme jasap.
Islamobad qalasynda ótken G-1 dárejeli jarysta qazaqstandyq taekvondoshylar alty altyn jáne bir kúmis medalin jeńip aldy.
Aıdana Edilbaeva (46 kelige deıin), Nuraı Baýyrjanova (49 kg), Jadyra Haırýllına (62 kg), Nuraı Hýsaınova (67 kg), Djansel Denız (73 kg) jáne Aıgúl Elýbaı (73 kg) týrnır chempıondary atandy. Dıana Ábsenova (62 kg) el qorjynyna kúmis medaldi saldy.