Almaty oblysy Shonjy aýylynda áıgili «Qaradala shaıqasynyń» sahnalyq qoıylymy ótti.
Bul shara qasiretti «Aqtaban shubyryndy, Alqakól sulamanyń» 300 jyldyǵyna oraı uıymdastyryldy.
Qoıylymdy tamashalaýǵa 2 myńnan astam halyq jınaldy. Gollıvýdqa tanylǵan «Kazakh Union Action Team» kaskaderlik toby men elimizdiń belgili kınoakterleri qatysyp, barlyǵy 100-ge jýyq adam tarıhı oqıǵany kórermen nazaryna usyndy. Qoıylym 5 túrli kórinisten turdy. Jońǵar shapqynshylyǵy men sol kezdegi qazaq aýyldarynyń turmys-tirshiligin kórsetti. Sonymen qatar halyq «Baýyrsaq patıge» qatysyp, ulttyq taǵamdardan aýyz tıdi. Zergerler men qolónershiler sheberlik dárisin ótkizdi. Mádenı is-shara aıasynda ulttyq sport túrlerinen jarys ótti.
«Ótkenin eske alǵan – óskendiktiń belgisi, ótkenin umytqan – óshkendiktiń belgisi» degen maqal bar. Sol búgingi kóriniste elimizdiń táýelsiz eldiń óskenin kórsetip otyr. Óıtkeni ótken tarıhty búgingi ómirmen sabaqtastyryp, baılanystyryp kórsetip otyr», - dedi Qazaqstannyń eńbek sińirgen qaıratkeri Asyly Osman.