Sırek kezdesetin bul aǵashtyń ereksheligi - aldymen gúldep, sodan keıin baryp japyraq jaıýynda.
Bul aǵash gúlderiniń 15 túri bar. Sırek kezdesetin sándik aǵashtyń ashyq qyzyl tústi ádemi, názik gúli erekshe áser qaldyrady. Jyl saıyn kóktemniń sáýir aıynda ǵana 2 aptaǵa gúl ashyp turady, dep habarlaıdy Almaty-akshamy.kz.
Qazaqstan.tv saıtynyń aqparatyna sáıkes, magnolıa gúlderin parfúmerıa salasynda átir jasaý úshin paıdalanady. Sondaı-aq, aǵashy - sapaly jıhaz jasaýǵa da taptyrmas materıal.
"Sándik ósimdiktiń qanyq jasyl tústi japyraǵy aınalasyna erekshe kórik beredi ári botanıkalyq baqqa kelýshilerdiń sýretke túsetin ásem ornyna aınalady", - deıdi mamandar.
«Magnolıanyń dúnıe júzinde 240-tan astam túri bar, bizdiń bas botanıkalyq baǵymyzda 15-ten asa takson bar, onyń ishinde magnolıa kobýs, magnolıa zvezchıtaıa, magnolıa denodato degennen basqa da kóptegen suryptary da bar. Magnolıa gúldedi degen kezde, kóptegen adamdar kelip sýretke túsedi, selfı jasaıdy, vıdeo túsiredi, áleýmettik jelide bólisedi», - deıdi Botanıka jáne fıtoıntrodýksıa ınstıtýty dendrologıa zerthanasynyń ǵylymı qyzmetkeri Aınagúl Ishaeva.