Almaty qalasynyń ákimi Erbolat Dosaevtyń Áýezov aýdany turǵyndarymen kezdesýinde qala turǵyny baǵdarshamdarǵa qatysty usynys aıtty, dep habarlaıdy Almaty-akshamy.kz
- Bilesizder ǵoı, Almatyda tańerteń barlyǵy ortalyqqa, al keshke qala syrtyna qaraı júredi. Sondyqtan baǵdarshamdardy saralaý arqyly basqarýdy usynamyn. Tańerteń kóbirek qalaǵa qaraı baǵyttap jáne keshke kerisinshe. Jalpy, baǵdarsham jumysyn retteý týraly ıdeıalar kóp, – dedi Áýezov aýdanynyń turǵyny.
Sonymen qatar qala basshysy aldaǵy ýaqytta baǵdarshamdar jasandy ıntellekt arqyly basqarylatynyn aıtty.
- Qala bir orynda turǵan joq. Biz qazir ekinshi satysyna keldik. Jyl sońyna deıin aıqyndaımyz dep oılaımyn. Bul - jasandy ıntellektini qoldaný máselesi. Mundaı tájirıbe kóptegen jerde bar. Iaǵnı, qarbalas ýaqytta baǵdarshamdar jasandy ıntellektpen basqarylady. Qazir sizdiń jobańyzdy da qarastyraıyq, osynda otyrǵan meniń orynbasarym Asqar Ámrınge jolyǵyńyz, – dedi Erbolat Dosaev.