Almaty aglomerasıasynda salynyp jatqan aınalma temirjoly boıynda iri saýda-logıstıkalyq hab salý josparlanýda, dep habarlaıdy Almaty-akshamy.kz BAQ.KZ-ke silteme jasap.
Qytaı tarapynan tranzıttik jáne ımporttyq júkterdiń úlken aǵynyn eskere otyryp, biz Almaty toraby óz deńgeıinde jumys istep jatqanyn kórip otyrmyz. Biz qazirgi tańda uzyndyǵy 73 shaqyrym aınalma temirjol qurylysyn salý týraly bastama kóterdik. Ol Qazaqstan-Túrikmenstan-Iran (KTI) baǵyty boıynsha Orta Azıaǵa Túrkimenstan men Iranǵa aparatyn tranzıttik júkterdiń ótkizý qabiletin arttyrady, – dedi «Qazaqstan temir joly» ulttyq kompanıasy tóraǵasynyń orynbasary Erlan Qoıshybaev Almatyda ótken kólik-logıstıka áleýetin damytý jónindegi bıznes-konferensıada.
Onyń aıtýynsha, Almatydaǵy aınalma temirjoly boıynda iri jańa saýda habyn salý josparlanýda.
Biz bul joba aıasynda bond qoımalary, sýyq tizbekter (tońazytqysh tizbegi) salynady dep otyrmyz, júk áýejaıy, avto, temirjol jáne qurǵaq porttyń qurylysy da qarastyrylyp jatyr. Biz egjeı-tegjeıli ázirlengen soń, tehnıkalyq-ekonomıkalyq negizdeme men bıznes-josparyn kórsetetin bolamyz. Qazir aldyn ala jumys istep jatyrmyz jáne ınvestorlardy bul jobaǵa qatysýǵa shaqyramyz, – dedi Erlan Qoıshybaev.