Qazaqstandyq júzgishter Azıa chempıonatynyń 14 rekordyn jáne Qazaqstannyń 3 rekordyn ornatty.
Júzgishterdi kútip alýǵa 2016 jyly ótken olımpıada oıyndarynyń chempıony Dmıtrıı Balandın de kelip, ulttyq quramany quttyqtady, dep habarlaıdy Almaty-akshamy.kz
«Sportshylarymyzdy jeńisterimen quttyqtaımyn. Bul nátıje júzgishter men bapkerlerdiń úlken eńbegi. Olar óte joǵary nátıje kórsetti. Bul jetistikterimen toqtamaı, budan da úlken jeńisterge jetýine tilektespin. Sebebi, alda Azıa chempıonaty men Olımpıada oıyndary kútip tur. Men quramanyń jetistigin maqtan tutamyn»,- dedi D. Balandın.
Bıylǵy chempıonatta 4 jarys kúniniń qorytyndysy boıynsha júzýden Qazaqstan quramasy 20 altyn, 11 kúmis, 5 qolaǵa qol jetkizip, tarıhı nátıje kórsetti.
«Bizdi osyndaı qurmetpen kútip alyp jatqanyna qýanyshtymyz. Jarysqa Qańtar aıynan bastap daıyndaldyq. Jeńiske jetýge osynyń aldyndaǵy jarystar men tájirıbelerdiń septigi tıdi. Toptyq eseppen 2 oryndy ıelendik. Qarsylastar myqty sportshylar. Bar kúsh-jigerimizben namysty qoldan bermeı, baıraǵymyzdy bıikke kótere aldyq. Bul nátıjemen toqtamaımyz. Aldaǵy ýaqytta álemdik deńgeıdegi jarystar bar», - dedi 15-17 jas arasynda 50 metrge arqamen júzýden altyn medal ıegeri Egor Popov qýanyshty sezimimen bólisip.
Qazaqstandyq júzgishter Azıa chempıonatynyń 14 rekordyn jáne Qazaqstannyń 3 rekordyn ornatty. Jalpy komandalyq eseppen otandastarymyz 2 orynda tur.