«Almaty" ÁKK" AQ enshiles uıymy - «Almaty» MQU» JSHS jarty jyl ishinde Almatynyń shaǵyn jáne mıkro bıznes sýbektilerine 1,9 mlrd. teńge somasyna 60 jeńildikti nesıe berdi. «Almaty Business-2025» baǵdarlamasy aıasynda bıznestiń jańadan bastaǵan jáne jumys istep júrgen ókilderi isti damytý úshin jyldyq 2%, 6% (kepildi) nemese 12%* (kepilsiz) jeńildikti mólsherleme boıynsha nesıege ıe boldy. Aqsha jabdyqty, shıkizatty satyp alýǵa, aınalym qarajatyn tolyqtyrýǵa, bıznestiń basqa da qajettilikterin jabýǵa bólinedi, dep habarlaıdy almaty-akshamy.kz.
MQU-daǵy qaryzdyń shekti somasy 73 840 000 teńgeni quraıdy, merzimi 7 jylǵa deıin. Bıylǵy jyly eń kóp qaryzdy óndiris jáne qaıta óńdeý jobalary bar kásipkerler aldy – 32%, ekinshi orynda – halyqqa qyzmet kórsetý jobalary (13%), úshinshi orynda – densaýlyq saqtaý (12%). Odan ári áleýmettik jáne bilim berý bastamalaryn qoldaý bar (árqaısysy 10%). Sondaı-aq, kreatıvti ekonomıka, saýda, týrızm jáne sport jobalary qarjylandyrýmen qamtamasyz etildi.
«Almaty» MQU» JSHS 2019 jyldan bastap jumys isteıdi. «Almaty Business-2025» baǵdarlamasy aıasynda MQU 2 200-den astam jańa jumys ornyn qura otyryp, 540-tan astam shaǵyn jáne mıkro bıznesti qarjylandyrdy. Qazirgi ýaqytta jeńildikti qarjylandyrýdyń jalpy somasy 12 mlrd teńgege jaqyndap keledi», - dep atap ótti «Almaty» MQU Basqarma tóraǵasy Altaı Ismaǵambetov.
Jeńildetilgen nesıeleý týraly tolyǵyraq +7 (727) 390 80 42 nomeri arqyly nemese https://mfoalmaty.kz/ saıtynan bilińiz.
Jyldyq tıimdi syıaqy mólsherlemesi jeke esepteledi jáne jyldyq 13% aspaıdy