Qyz oqıǵanyń mán-jaıyn aıtyp berdi
Almaty turǵyny burynǵy jigiti uryp-soǵyp, ańdyp júrgenin aıtyp shaǵymdandy. Onyń aıtýynsha, ol arnaıy qyzmette jumys istegen, - dep habarlaıdy Almaty-akshamy.kz
«Meni burynǵy jigitim urdy, aryz jazdym, sosyn ákemdi uryp ketti, ózi joǵaryda otyrǵan aǵalarynyń tasasynda júr, bul qyzmetker týraly bári bilsin, bul birinshi ret uryp-soǵýy emes, meni jıi qorqytyp-úrkitedi, kómektesýdi suraımyn», - dep jazdy Toǵjan.
Onyń aıtýynsha, ol burynǵy ǵashyǵymen jarty jyl kezdesken. Ol 2023 jyldyń qańtarynan bastap júıeli túrde uryp-soqqanyn aıtady, dep jazdy Massaget.kz..
«Ol meni búginge deıin jeti ret urdy, sodan keıin onymen ajyrasyp kettik, ol meni manák sıaqty ańdı bastady, jolda ustap alyp, uryp-soǵady, jumysqa jáne úıge keledi, baryq jerim kógergen, isigen, qan, buǵan deıin men odan qorqyp, polısıaǵa barǵan joqpyn. 16 maýsymda saǵat 22:30 Saın-Asqarov avtoturaǵynda meni taǵy urdy. Ol meniń betimnen uryp, aıaǵymnan tepti, budan tipti butyma jiberip qoıdym, sodan keıin meni páterge apardy, sol jerde taǵy urdy jáne meni óz erkimnen tys zańsyz ustady, eki saǵat boıy jibermedi. Men óz ómirim úshin qorqamyn!», - dep jazdy jábirlenýshi.
Sýretti jábirlenýshi qyz usynǵan
18 maýsymda qyzdyń aıtýynsha, burynǵy jigiti ákesin qan-josa qylyp uryp-soqqan.
«Ol únemi óz ókiletin paıdalanady, aǵalary - general jáne sýdıa, joǵary laýazymdy adamdarmen bárin sheshemin dep qorqytady. Ol meni turǵan jerim boıynsha taýyp alady, habarlamalarymdy oqıdy, júrgen jerimnen ustap alady», - deıdi Toǵjan.
Kezekti uryp-soǵý oqıǵasynan keıin qyz polısıaǵa aryz jazǵan.
Almaty qalasynyń ákimshilik sotynda QR ÁQBtK-niń 73-1 baby «Densaýlyqqa qasaqana jeńil zıan keltirý» boıynsha bul qyzdy soqqyǵa jyǵý isi qaralǵany belgili boldy. 3 shildede Almaty qalasynyń Ákimshilik quqyq buzýshylyq ister jónindegi mamandandyrylǵan aýdanaralyq sotynyń qaýlysy boıynsha, qyzdyń ýaqytsha eńbekke jaramsyz bolýyna ákelip soqtyrǵan jeńil dene jaraqatyn keltirgen er adamǵa 15 AEK (51 750 teńge) kóleminde aıyppul salynǵan.