Prezıdent Qasym-Jomart Toqaev Shavkat Mırzıóevti týǵan kúnimen quttyqtap, oǵan baq-bereke jáne jaýapty memlekettik qyzmetine tabys tiledi.
Memleket basshysy Ózbekstan Prezıdenti Shavkat Mırzıóevpen telefon arqyly sóılesti, dep habarlaıdy Almaty-akshamy.kz.
Memleket basshysy Ózbekstan Prezıdentiniń eki el arasyndaǵy ǵasyrlar boıy jalǵasyp kele jatqan dostyq, tatý kórshilik jáne kópjaqty yntymaqtastyqty nyǵaıtýǵa eleýli úles qosqanyn atap ótti.
Áńgimelesý barysynda Qazaqstan men Ózbekstannyń strategıalyq seriktestigi men odaqtastyǵyn odan ári nyǵaıtý perspektıvalary talqylandy.
Sonymen qatar taraptar halyqaralyq jáne óńirlik kún tártibindegi ózekti máseleler jóninde pikir almasyp, aldaǵy kezdesýler kestesin qarastyrdy.