Almaty qalalyq uıymdasqan qylmysqa qarsy kúres basqarmasynyń qyzmetkerleri kúdiktilerdiń jábirlenýshiden suraǵan 1 mıllıonnyń 650 myń teńgesin alyp jatqan kezde ustady.
Kúdiktiler osydan biraz ýaqyt buryn zańsyz alyp ketken kólikti qaıtaryp berý úshin tanys adamnan aqsha bopsalaǵan. Arnaıy is-shara nátıjesinde bes er adam ustaldy, olardyń úlkeni 35-te, kishisi 27-de. Olar ýaqytsha ustaý ızolátoryna qamaldy, dep habarlaıdy Almaty-akshamy.kz .
Polisia.kz-tiń málimetinshe, atalǵan derek QR QK-niń 389 baby (Ózinshe bılik etý) boıynsha tergelip jatyr. Ustalǵandardyń ekeýi buryn QR QK-niń 96-baby (Kisi óltirý) jáne QR QK-niń 287 baby (Brakonerlik) boıynsha sotty bolǵan. Bul joly ustalǵan kezde kúdiktilerden ósimdik tektes untaqty zat jáne travmatıkalyq tapansha tárkilendi.
Kórsetilgen zattar boıynsha tıisti saraptamalar taǵaıyndaldy. QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.