Prezıdent «Áleýmettik medısınalyq saqtandyrý qory» KeAQ basqarma tóraǵasy Ábilqaıyr Sqaqovty qabyldady
Ábilqaıyr Sqaqov áleýmettik medısınalyq saqtandyrý júıesiniń jyl basynan beri jáne jalpy MÁMS qolǵa alynǵan ýaqyt ishinde atqarylǵan jumystardyń qorytyndysy týraly esep berdi. Sonan keıin, áleýmettik medısınalyq saqtandyrý júıesin engizý nátıjesinde densaýlyq saqtaý salasyna bólinetin qarjy 2,5 ese, al bir turǵynnyń densaýlyǵyna jumsalatyn shyǵyn eki ese óskeni jóninde baıandady. Azamattarǵa arnalǵan medısınalyq kómektiń qoljetimdiligin jaqsartý jaıynda sóz etti. Sonymen qatar, MÁMS júıesiniń tıimdiligin arttyrýǵa qatysty Prezıdent tapsyrmalarynyń oryndalý barysy týraly aqparat berdi. Atap aıtqanda, áleýmettik medısınalyq saqtandyrý júıesiniń aýqymyn keńeıtýge, Qordyń qarjylyq turǵydan turaqtylyǵyn qamtamasyz etýge jáne MÁMS-ke qatysty barlyq prosesti jedel sıfrlandyrýǵa baǵyttalǵan keshendi sharalar júzege asyrylyp jatyr. Budan bólek, medısınalyq saqtandyrý júıesiniń qyzmetine qatysty qazaqstandyqtardy mazalaǵan ózekti máselelerge nazar aýdaryldy. Qor josparyn iske asyrý barysynda, eń aldymen, naýqasqa jáne onyń medısınalyq kómekke qajettiligin óteýge basa mán beriledi.
Qasym-Jomart Toqaev Ábilqaıyr Sqaqovqa áleýmettik medısınalyq saqtandyrý júıesiniń tıimdiligin arttyrýǵa baǵyttalǵan birqatar mindet júktedi.