Mitsubishi avtokóligin mas kúıinde basqarǵan jáne jol qozǵalysyna qatysýshylarǵa naqty qaýip tóndiretin zańsyz áreket jasaǵany úshin 48 jastaǵy P.esimdi azamat ustaldy, dep habarlaıdy Almaty-akshamy.kz Polisia.kz-ke silteme jasap.
«Atalǵan kólikti “Býran-305” patrúldik ekıpajynyń músheleri Jansúgirov pen Býrýndaıskaıa kósheleriniń qıylysynda ustady. Júrgizýshiden alkogóldiń ıisi qatty shyǵyp turdy, onyń ózi de mas kúıinde rólge otyrǵanyn moıyndady. Medısınalyq tekserý ortasha dárejedegi alkogóldik masańdyqty kórsetti. Júrgizýshi kólik júrgizýden shettetildi. Oǵan qatysty QR ÁQBtK-niń 608-baby 1 bóligi boıynsha hattama toltyryldy. Kólik mamandandyrylǵan aıyppul turaǵyna qoıyldy», – dedi Túrksib aýdandyq polısıa basqarmasynyń bastyǵy Erkin Amantaev.
Mamandandyrylǵan aýdanaralyq ákimshilik sotynyń sheshimimen P.esimdi azamat, 7 jyl merzimge kólik quralyn basqarý quqyǵynan aıyrylyp, 15 táýlikke ákimshilik qamaqqa alyndy.