Al «Almatynyń úzdik muǵalimi» atanǵan ustaz eki bólmeli páterge ıe bolady.
Qalalyq bilim basqarmasy basshysynyń orynbasary Qaırat Jumanovtyń aıtýynsha, kelesi jyldan bastap qaladaǵy barlyq muǵalimniń jalaqysy 25% ósedi, dep habarlaıdy Almaty-akshamy.kz
«Kelesi jyldan bastap qaladaǵy barlyq muǵalimniń jalaqysy 25% ósedi. Ol úshin qajetti qarajat qarastyryldy, sondyqtan 1 qańtardan bastap muǵalimderdiń jalaqysy artady. Sondaı-aq elimizdegi muǵalimderdiń biliktiligi men mártebesin kóterý aıasynda eki jyldan beri «Pedagog mártebesi» týraly zań jumys istep jatyr. Oǵan qosa qala ákimdigi de muǵalimderdiń mártebesin kóterýge kóńil bólip keledi», - deıdi ol. Sonymen qatar, ol bıyl qala ákimdiginiń bastamasymen ekinshi jyl qatarynan daryndy, úzdik muǵalimderdi anyqtaıtyn baıqaý ótkizilip jatqanyn tilge tıek etti.
Spıker aldaǵy aptada muǵalimder arasynda ótetin «Almaty ákiminiń granty» baıqaýynyń qorytyndysy shyǵatynyn jetkizdi. Onda úzdik shyqqan 10 muǵalim 2 mln teńge kóleminde aqshalaı syılyq alady. Bul sharalardyń barlyǵy muǵalimderdi qoldaýǵa baǵyttalǵan.
«Almatynyń úzdik muǵalimi atanǵan mamanǵa eki bólmeli páterdiń kilti tabystalady. Birinshi orynǵa – avtokólik, ekinshi jáne úshinshi orynǵa aqshalaı syılyq beriledi», - dedi bilim basqarmasynyń ókili.