Almaty qalasynyń polısıa departamenti eriktiler men qoǵamdyq uıymdardyń áleýetin tıimdi paıdalanyp, olardyń kómegimen birqatar mańyzdy nátıjelerge qol jetkizdi.
Búginde departament 6 eriktiler qozǵalysymen, 11 qoǵamdyq quqyq qorǵaý tobymen jáne 2 úkimettik emes uıymmen tyǵyz baılanysta jumys isteýde, dep habarlaıdy aqshamnews.kz Polisia.kz-ke silteme jasap.
2024 jyldyń basynan beri eriktilerdiń qoldaýymen 9 qylmys ashylyp, 4 223 quqyq buzýshylyq anyqtaldy.15 myń esirtki jarnamasy joıyldy.113 áıel men bala turmystyq zorlyq-zombylyqtan qutqaryldy. İz-túzsiz joǵalǵan 227 adam, sonyń ishinde 115 kámeletke tolmaǵan bala tabyldy. 12 profılaktıkalyq is-shara uıymdastyryldy. Almaty polısıasynyń erekshe seriktesteri – İshki ister mınıstrliginiń mańyzdy jobasy «Jas saqshy» qozǵalysynyń ókilderi. Bul jas patrıottar toby otansúıgishtikke baýlý jáne jastardy azamattyq belsendilikke tartý baǵytynda jumys isteıdi.
Eriktiler men polısıa arasynda tyǵyz yntymaqtastyq ornatý sheńberinde volonterlerge Almaty polısıasynyń qarý-jaraǵy men materıaldyq-tehnıkalyq bazasy tanystyryldy. Bul birlesken jumys azamattyq qoǵam men quqyq qorǵaý organdarynyń ózara yqpaldastyǵynyń aıqyn úlgisi.