Taldyqorǵanda Ortalyq saıabaq saýdaǵa qoıyldy
Saıabaqty jóndeýge mıllıard teńge jetpeı, jergilikti bılik ony senimgerlik basqarýǵa berýdi uıǵardy, dep habarlaıdy aqshamnews.kz
Mundaı sheshimge ákimdik saıabaqtyń kútimine ketetin shyǵyndardyń kóptigi sebepti kelgenge uqsaıdy. Qala turǵyndarynyń súıikti demalys ornyna aınalǵan bul nysan jańǵyrtýdy qajet etip tur.
Bıyl naýryz aıynda Taldyqorǵan qalasynyń turǵyn-úı komýnaldyq sharýashylyǵy bólimi (balans ustaýshy) Ortalyq saıabaqty kúrdeli jóndeýden ótkizý úshin tender jarıalaǵan bolatyn. Bul maqsatqa búdjetten bir mıllıard teńgeden astam qarjy bólingen edi.
Alaıda tapsyrys berýshi kútpegen jerden tenderden bas tartty. Sol ýaqyttan beri jańa memlekettik satyp alý ótkizilgen joq. Onyń ornyna qarasha aıynda qala ákimi Ernat Bázil saıabaqtyń 41 437 sharshy metr aýmaǵyn senimgerlik basqarýǵa berý týraly sheshim shyǵardy.
Aýksıonǵa qatysqysy keletin úmitkerler kepildik jarna retinde 5,6 mıllıon teńgeden astam qarajat tóleýi kerek.
Saıabaqtyń taǵdyry aýksıon nátıjesine baılanysty bolmaq.