Dárigerler oǵan tıtannan jasalǵan 3D plasına ornatty.
№7 qalalyq klınıkalyq aýrýhanada 20 jastaǵy pasıenttiń bas súıegi qaıta qalpyna keltirildi. Kúrdeli operasıa mindetti áleýmettik medısınalyq saqtandyrý sheńberinde jasaldy, dep habarlaıdy Almaty-akshamy.kz aýrýhananyń baspasóz qyzmetine silteme jasap.
Habarlamaǵa súıensek, jas jigitke osymen ekinshi ret ota jasalyp otyr. Buǵan deıin pasıent joǵarydan qulap, aýyr bas-mı jaraqatyn alǵan. Alǵashynda mamandar súıekti tesip trepanasıa jasap, protez ornatqan bolatyn.
«Plasıkalyq operasıadan keıin naýqas taǵy qulap, ornatylǵan protezdi syndyryp alǵan. Áriptestermen aqyldasa kele, bir mezette synǵan akrıl protezdi alyp tastap, tıtannan jasalǵan 3D plasına ornatý týraly sheshim qabyldadyq», - deıdi №2 neırohırýrgıa bólimshesiniń meńgerýshisi Ildar Qurmaev.
Mamannyń aıtýynsha, kranıoplastıka dep atalatyn ota ádette, bastaǵy uıyǵan qandy, isikti alǵannan keıin, bas súıektiń synǵan bólikterin alyp tastaǵannan keıin jasalady. Ol mıdyń qaıta zaqymdanýyna jol bermeı, jaraqattan keıin bolatyn asqynýlardyń aldyn alady.
Pasıentter operasıadan keıin jetinshi kúni aýrýhanadan shyǵady, otanyń orny 10-12 kúnnen soń jazylady.
«Bizdiń bólimshede jyl saıyn bas-mı jaraqatyn alǵan 1 myńǵa jýyq pasıent emdeledi. Bir jylda bas súıek defektilerin jabý boıynsha 100-ge jýyq operasıa jasalady. Olardyń arasynda Almatynyń ǵana emes, elimizdiń túrli óńirlerinen kelgen turǵyndar da bar. Akrıldi sement protezderdiń, tıtan torshalar men plasınalardyń úlgisin qolmen jáne 3D kompútermen modeldeý tásilderi qoldanylady», – deıdi Ildar Qurmaev.