Onyń aıtýynsha, biz qalasaq ta, qalamasaq ta, qanttyń baǵasy ósedi.
QR Premer-Mınıstriniń orynbasary – Saýda jáne ıntegrasıa mınıstri Baqyt Sultanov qanttyń qymbattaýyna tosqaýyl joq ekenin moıyndady, dep habarlaıdy Almaty-akshamy.kz
«Bizde taýardyń alty túri boıynsha ımportqa táýeldilik bar. Negizgi taýarlar jetpeı qalmaıdy. Importqa táýeldilikti shekteýge arnalǵan arnaıy baǵdarlamamyz bar. Bizde eksportqa táýeldi taýarlar da bar. Mysaly bıdaı biz úshin sondaı taýar. Syrtqy naryqta baǵa qymbattasa, óz ishimizde de qymbattaıdy», - dedi vedomstvo basshysy.
Onyń sózine qaraǵanda, qant sıaqty áleýemttik mańyzy bar taýarlardyń baǵasyn áleýmettik-kásipkerlik korporasıalar arqyly turaqtandyrý jumysy júrgizilip jatyr. Al keıbir taýarlardyń baǵasy «Qarjy aınalymy» tetigi arqyly boıynsha turaqtandyrylǵan.
«Degenmen azyq-túliktiń keı túri, mysaly, qant boıynsha aıtsaq, biz qalasaq ta, qalamasaq ta, baǵa ósedi. Óıtkeni búkil álem boıynsha bırjadaǵy baǵa kóterilip barady. Bizge negizgi qant jetkizýshi Reseıdiń ózi tasymaldy toqtatqandyqtan, bul ahýal bizge áser etýde. Logıstıka shyǵyndary búkil álemde ósti»,- dedi Baqyt Sultanov.