Bul suraqqa Almaty qalalyq qoǵamdyq densaýlyq saqtaý departamenti basshysynyń orynbasary Svetlana Sultanǵazıeva jaýap berdi.
Onyń aıtýynsha, 30 myńnan asa almatylyq balasyna Pfizer vaksınasyn saldyrýǵa kelisim berip otyr, dep habarlaıdy Almaty-akshamy.kz
Svetlana Sultanǵazıevanyń aıtýynsha, megapolıste 12 men 17 jas aralyǵyndaǵy 170 myń bala bar. Onyń ishinde ata-ananyń 20 paıyzy balasyna Pfizer vaksına egýge kelisim berdi.
«Bul shamamen 30 myńnan asa ata-ana. Alaıda bul kórsetkish ózgerýi múmkin, sebebi sát saıyn kelisim bergender artyp jatyr. Vaksınalaý aldymen medısına mekemelerinde júrgiziledi. Al bilim ordalaryna tek arnaıy shaqyrtý arqyly medısına qyzmetkerleri barady» , - dedi Svetlana Sultanǵazıeva.
Qalada Pfizer vaksınasyn salý 12 qarashada bastalady. Birinshi kezekte 16-17 jastaǵy balalarǵa ata-anasy ruqsat bergennen keıin salynady. Aıta keteri, 10 qarashada túnde Qazaqstanǵa Pfizer vaksınasynyń alǵashqy partıasy jetkizildi. Almaty qoımasynda vaksınanyń alǵashqy 46 800 dozasy, birinshi komponenttiń 23 400 dozasy jáne ekinshisiniń 23 400 dozasy bar. Eki bóliginiń arasy 21-28 kún bolýy kerek.