Seısmologtar men ǵalymdar bul ınstıtýt ǵylym mınıstrligi basqarýynda bolý tıis dep sanaıdy.
Ǵylym jáne joǵary bilim mınıstri Saıasat Nurbek Almatynyń Ulttyq seısmologıalyq baqylaý ǵylymı ortalyǵy nege TJM-nyń qaraýyna berilgenin túsindirdi, dep habarlaıdy Almaty-akshamy.kz
Depýtat Baqytjan Bazarbek Májilis otyrysynda Ǵylym jáne joǵary bilim mınıstrinen Almatynyń Ulttyq seısmologıalyq baqylaý ǵylymı ortalyǵy nege TJM-ǵa qaraýynda ekenin surady. Óıtkeni seısmologtar men ǵalymdar bul ınstıtýt ǵylym mınıstrligi basqarýynda bolý tıis dep sanaıdy eken.
Saıasat Nurbek kezinde birqatar ınstıtýttardyń salalyq mınıstrlikterge tabystalǵanyn basa atap ótti. Osyǵan baılanysty seısmologıa ınstıtýty da qazir TJM qaramaǵynda bolyp tabylady.
"Ókinishke qaraı, ol arada tolyqtaı qarjylandyrý degen joq, óıtkeni qarjylandyrý salalyq prınsıp boıynsha júrgiziledi. Sondaı-aq bizdiń qolymyzda bul ınstıýtqa qandaı da bir jolmen kómektesýge, olardyń qyzmetine aralasýǵa múmkindik beretin quraldar joq. Eger ony bizge qaıtarsa, biz oǵan qýanamyz", dedi Ǵylym jáne joǵary bilim mınıstri Saıasat Nurbek.
Onyń aıtýynsha, bıyl ınstıtýtqa shamamen 3,5 mlrd teńge grant bólý josparlanyp otyr.