Prokýratýra joldyń aqyly ýchaskesinde kásipkerlerden soma alýdy toqtatty, dep habarlaıdy almaty-akshamy.kz.
Atap aıtqanda, "QazAvtoJol" UK" AQ fılıaly "Astana-Petropavl" avtojolynyń qıylysynda aýyr júk kólikteriniń ıelerine jol júrý somasyn negizsiz eseptegen. Aqyly ýchaske Kókshetaý qalasy arqyly ótetin jalpyǵa ortaq paıdalanylatyn avtomobıl jolynyń 304 shaqyrymynan bastalady, alaıda birinshi baqylaý arkasy 309 shaqyrymda ornalasqan.
Paıdalanýshyǵa aqyly avtomobıl jolyna kirgen kezde jáne baqylaý arkasy arqyly ótý kezinde jol operatorynyń jarıa shartynyń talaptary qoldanylatynyn atap ótken jón.
Mundaı jaǵdaılarda kásipkerlik sýbektisi úshin 5 km jol júrýdiń quny 50 km-ge teń boldy. Prokýratýranyń aralasýymen avtojoldyń kórsetilgen ýchaskesinde shamamen 3,5 mln teńge somaǵa 605 bıznes sýbektisine jol júrý úshin eseptelgen soma joıyldy, al zańdylyqty buzýdy joıý maqsatynda jol ólsheý júıesiniń jumysy qaıta qaralyp jatyr, - delingen habarlamada.
Sonymen qatar, prokýratýra eldi mekenderdiń turǵyndary úshin «abonenttik tólem» engizý máselesine bastamashylyq jasady, ol profıldi mınıstrlikte qoldaý taýyp kelisý satysynda.