Fılıppınniń Nú-Klark-Sıtı qalasynda sý sportynan ótip jatqan Azıa chempıonatynda Hanchjoýdaǵy Azıa oıyndarynyń qola júldegerleri - Iasmın Tuıaqova men Arına Pýshkına (15-19 jas toby) juptyq saıystyń erkin baǵdarlamasynda kúmis júldeni ıelendi.
Birinshi oryndy 347.4859 bal alǵan Ózbekstannyń sportshylary Zıódahon Toshhýdjaeva men Anna Vashenko aldy. Al Qazaqstanyń dýei 340.1650 upaı jınady. Úshinshi orynǵa Gonkongtyń ókilderi Vong Vıng Ka men Vý KýLok ıe boldy. Olar qorjyndy 290.4529 upaımen toltyrdy, dep habarlaıdy almaty-akshamy.kz.
Sý dobynan Qazaqstan jastar quramasy toptyq kezeńniń úshinshi oıynynda Iran quramasyna penaltı serıasynda ese jiberdi.
Qyzdar quramasy úshinshi oıynda Sıngapýrdy jeńdi. Erteń bizdiń arýlarymyz Qytaımen kezdesedi. Jarysqa 7 komanda (Qazaqstan, Japonıa, Taıland, Ózbekstan, Sıngapýr, Shrı-Lanka, Qytaı) qatysyp jatyr. Olar jeńimpaz ben júldegerlerdi aınalmaly júıe boıynsha anyqtaıdy.
Buǵan deıin habarlanǵandaı, keshe kórkem júzý jarysynda Daıana Djamanchalova men Sofıa Ishenko juby (13-15 jas toby) erkin baǵdarlamada altyn medaldi jeńip aldy.
Sý dobynan Qazaqstan jastar quramasy toptyq kezeńniń alǵashqy machynda Shrı-Lankany 43:1 esebimen jeńse, ekinshi oıynynda Sıngapýr komandasymen kezdesip, 16:9 esebimen jeńiske jetti. Endi Erteń ulttyq qurama V tobyndaǵy sońǵy machta Malaızıamen kezdesedi. Jartylaı fınalǵa óz tobynda 1-2 oryn alǵan komandalar shyǵady.