Ánýarbek Baıjanbaevtyń týǵanyna 100 jyl toldy
Bıyl "Qazaqtyń Levıtany» atanǵan ataqty dıktor, Qazaqstannyń Halyq artısi Ánýarbek Baıjanbaevtyń týǵanyna 100 jyl toldy. Ataýly mereıtoıǵa oraı, Almatydaǵy radıostýdıaǵa daýylpaz dıktordyń esimi berildi, dep habarlaıdy Almaty-akshamy.kz.
- Almatydaǵy saparymyz aıasynda Qazaq radıosynyń ujymyna baryp, daýylpaz dıktor Ánýarbek Baıjanbaev atyndaǵy stýdıanyń ashylý saltanatyna qatystyq. Ulaǵatty is-shara qaıtalanbas daýys ıesiniń, radıo ardageriniń 100 jyldyǵyna oraı uıymdastyrylyp otyr. Qazaq sóz óneriniń qadir-qasıeti Baıjanbaevtyń qońyr úni arqyly aıshyqtaldy. Qazaq radıosy degende birden eldiń esine Ánýarbek Baıjanbaevtyń túsetini sondyqtan. Áıgili dıktordyń el rýhanıatyna qosqan eńbegin dáripteý barshamyzdyń ortaq paryzymyz, - dep jazdy Aqparat jáne qoǵamdyq damý mınıstri Darhan Qydyráli.
İs-sharada Ánýarbek Baıjanbaevtyń urpaqtary men kózin kórgen áriptesteri, radıo ardagerleriniń de jyly lebizderi men estelikteri aıtyldy.
Aıta keteıik, byltyr Astanadaǵy stýdıaǵa Ábdiráli Bólebaıdyń esimi berilgen.