500 myń teńgeden asatyn parany birneshe ret alǵan
Petropavlda zańsyz bıznesti qamqorlyǵyna alyp, sol úshin birneshe ret para alǵan polıseı 7 jylǵa bas bostandyǵynan aıyryldy, dep habarlaıdy Almaty-akshamy.kz.
Soltústik Qazaqstan oblysy sybaılas jemqorlyqqa qarsy qyzmettiń sálimetinshe, 10 mamyrda Petropavl qalalyq sotynyń úkimimen QR QK 366-baby, 4-tarmaǵynyń 3-bóligi boıynsha oblystyq polısıa departamenti jergilikti polısıa qyzmeti bóliminiń bastyǵy 7 jylǵa bas bostandyǵynan aıyryldy. Ol jazasyn qylmystyq-atqarý júıesiniń ortasha qaýipsizdik mekemesinde óteıtin bolady.
Sottalǵan eks-polıseı aksızdeletin ónimdi sapany rastaıtyn tıisti qujattarsyz satýda qamqorshylyq kórsetkeni úshin jalpy somasy 500 myń teńgeden asatyn para birneshe ret alǵany úshin kináli dep tanyldy.
Osylaısha, QR Sybaılas jemqorlyqqa qarsy is-qımyl agenttiginiń SQO boıynsha departamenti 1 myń blok temeki óniminiń jáne 5 myń lıtr sapasy kúmándi alkogól óniminiń zańsyz satylymyn toqtatty.
Sottalǵan «polısıa maıory» arnaýly ataǵynan, sonymen qatar memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan aıyryldy.
Úkim zańdy kúshine engen joq.