Ol Medeý aýdandyq polısıa bólimine jaýap alý úshin jetkizildi.
Qala polıseıleri Almatydaǵy meıramhanalardyń birinde daıashynyń betinen judyryqpen urǵan er-azamatty ustady, dep habarlaıdy Almaty-akshamy.kz.
Qalalyq PD basshysynyń orynbasary Rýstam Ábdirahmanovtyń aıtýynsha, daıashyny urǵan azamattyń kim ekeni anyqtalǵan.
«Ý. esimdi 29 jastaǵy er-azamat qolǵa tústi. Qazirgi tańda ol Medeý aýdandyq polısıa bólimine jaýap alý úshin jetkizildi. Kináli azamat jaýapkershilikke tartylady. Oqıǵa boıynsha «Buzaqylyq» babymen sotqa deıingi tergeý amaldary júrgizilýde. Sot-medısınalyq saraptamasynyń nátıjesinde prosesýaldyq sheshim shyǵarylady», – deıdi polısıa ókilderi.
Buǵan qosa, polıseıler kináli azamattyń keshirim suraǵanyn jetkizdi.
Almatydaǵy meıramhanalardyń birinde oryn alǵan bul jaǵdaıdy áleýmettik jeli paıdalanýshylary qyzý talqylaǵan bolatyn. Qazaqstandyqtar daıashyny urǵan azamat jaýapkershilikke tartylý kerek degen pikir bildirgen.
«25 shilde kúni 10:00-de meıramhanaǵa tańǵy as ishýge kelgenmin. Daıashy ústime baıqaýsyzda kofe tógip aldy. Sol úshin men ony urdym. Qatty urǵan joqpyn. Biraq bul durys emes ekenin túsinip turmyn. Keshirim suraımyn», – deıdi aıyptalýshy.