Almatyda ataqty sportshylar «Almaty – bizdiń ortaq úıimiz» qalalyq bastamasy men «Taza Qazaqstan» respýblıkalyq baǵdarlamasy aıasynda ótip jatqan «Jarqyn kúz» kúzgi naýqanyn qoldady.
Naýqandy qoldaǵandar qatarynda Parıj Olımpıadasynyń júldegerleri Narıman Qurbanov, Nazym Qyzaıbaı, Ǵusman Qyrǵyzbaev, Aleksandra Le, Islam Sátbaev, Olımpıada chempıony Ermahan Ibraımov jáne basqa da sportshylar bar, dep habarlaıdy aqshamnews.kz.
Olar áriptesterin jáne qala turǵyndaryn aýla men qala aýmaqtaryn tazalaýǵa atsalysýǵa shaqyrǵan beınejazba túsirdi.
«Almaty – bizdiń ortaq úıimiz, sondyqtan qalanyń taza ári kórikti bolýy úshin árkim ózinen bastaýy kerek! Men bul chellendjdi qabyldap, búgin aýlamdy qoqystan tazalap jatyrmyn», – dedi Narıman Qurbanov.
Sonymen qatar, ekologıalyq naýqanǵa Almatynyń áıelder jáne erler basketbol komandalarynyń oıynshylary, MMA sportshylary da qosyldy.
«Men barlyq almatylyqty qalys qalmaı, ekologıalyq aksıaǵa qatysýǵa jáne qalanyń kórkeıýine úlesin qosýǵa shaqyramyn!» – dep úndeý tastady bokstan álem chempıonatynyń júldegeri Alýa Balqybekova.
Olımpıadalyq rezervtegi balalar-jasóspirimder sport mektepteriniń tárbıelenýshileri de «Jarqyn kúz» naýqanyna belsendi túrde qatysyp, qaladaǵy tazalyq pen tártipti saqtaýdyń mańyzdylyǵyn túsine otyryp, aýlalardy qoqystan tazartyp jatyr.