İİM kıberqylmysqa qarsy is-qımyl departamentiniń qyzmetkerleri Almaty qalasy polısıa departamentiniń «Kıberpol» tobymen birlesip, zańsyz sim-box qurylǵysyn anyqtady.
Jedel is-sharalar barysynda kórshiles eldiń azamaty ustaldy. Onyń aıtýynsha, ol Telegram arqyly jumys taýyp, Almatyǵa osy jabdyqty ala kelgen, dep habarlaıdy aqshamnews.kz Polisia.kz-ke silteme jasap.
Aıta keteıik, kúdiktiniń osyǵan uqsas jaǵdaı boıynsha Atyraýda júrgizilip jatqan iske qatysy bary anyqtaldy. Atalǵan faktiler boıynsha qylmystyq is qozǵaldy. Ustalǵan adam odan ári tergeý áreketterin júrgizý úshin prokýratýranyń kelisimimen ýaqytsha ustaý ızolátoryna qamaldy.