Búgin QR Ónerkásip jáne qurylys mınıstri Qanat Sharlapaev «Stadler Kazakhstan» JSHS-ne keldi.
Kompanıa «Stadler Rail» kompanıalar tobyna kiredi jáne Qazaqstan temirjoldary úshin jolaýshylar vagondarynyń jetekshi óndirýshisi, dep habarlaıdy aqshamnews.kz Ónerkásip jáne qurylys mınıstrligine silteme jasap.
Óndiristik alań Astana qalasynyń ındýstrıaldy parkinde ornalasqan. Úı-jaılardyń jalpy aýdany 31 myń sharshy metrden asady, kásiporynnyń óndiristik qýaty jylyna 100-den astam jolaýshylar vagonyn quraıdy
«Stadler Kazakhstan» JSHS strategıalyq seriktesi – Qazaqstan Respýblıkasynyń ulttyq tasymaldaýshysy «Jolaýshylar tasymaly» AQ. Bul «Qazaqstan temir joly» UK» AQ enshiles kásiporny, onymen jańa býynnyń zamanaýı jaıly jolaýshylar vagondaryn jetkizý týraly kelisimge qol qoıylǵan. Olar 160 km/saǵ jyldamdyqpen qozǵalýǵa arnalǵan, qyzmet etý merzimi – 40 jyl quraıdy.
Shyǵarylatyn kólikter EAEO tehnıkalyq reglamentterine jáne avtomobıl jasaýdaǵy sońǵy tehnologıaǵa saı bolady.
2025 jyldyń 2-toqsanynyń basyna qaraı «Stadler Kazakhstan» zaýytynda jolaýshylar vagondary óndirisi iske qosylady. «QTJ» UK» AQ-men jasalǵan offteık kelisimsharttary aıasynda 2030 jylǵa deıin jalpy somasy $2,3 mlrd quraıtyn kepildendirilgen 537 birlikti satyp alý qamtamasyz etildi.
Qazirgi tańda jumysshylar sany 300 adamǵa jetken iri kásiporynǵa aınaldy.