Joǵary Sot Keńesiniń múshesi Nurıa Sısenova 2024 jylǵy 26 jeltoqsanda OKQ-da ótken baspasóz máslıhatynda bıyl sýdıalarǵa qoldanylǵan tártiptik sharalar týraly aıtyp berdi.
Nurıa Sısenova atap ótkendeı, alty sýdıa isterdi qaraý kezinde zańdylyqty óreskel buzǵany jáne sýdıalyq ádep kodeksin saqtamaǵany úshin óz laýazymdarynan aıyryldy, dep habarlaıdy aqshamnews.kz.
"Bıylǵy jyly alty sýdıa júıeden ketti. Naqtyraq aıtsaq, zańdylyqtyń óreskel buzylýyna baılanysty úsh adam jáne taǵy úsh adam sýdıalyq etıka kodeksin saqtamaǵany úshin bosatyldy", – dedi spıker.
Ol 2024 jyldyń 1 qazanynan bastap sýdıalardy tártiptik jaýapkershilikke tartýdyń jańa tetigi engizilgenin eske saldy. Endi zań ókilderin óreskel buzýshylyqtyń árbir faktisi úshin jaýapqa tartady. Osyǵan baılanysty Sot júrıiniń quramy 9-dan 15 adamǵa deıin ulǵaıtyldy.
Bıylǵy jyly ár túrli sebeptermen sot júıesinen shamamen 100-120 sýdıa shyqty. Bireý densaýlyǵyna baılanysty, bireý óz erkimen, keıbireýleri zeınetkerlik jasqa jetti nemese qurmetti otstavkaǵa ketti. Qazaqstanda barlyǵy 2700 sýdıa jumys isteıdi. Qazirgi ýaqytta bul laýazymda 300-ge jýyq bos jumys orny bar.