Qazaqstanda lýdomanıamen kúreske baǵyttalǵan zań qabyldandy. Zańda halyqtyń oıynǵa táýeldiligin tómendetýge baǵyttalǵan shekteý jáne yntalandyrý normalary engizilýde. Bul týraly Almaty qalasynyń óńirlik komýnıkasıalar qyzmetiniń brıfıńinde Almaty qalasy boıynsha ekonomıkalyq tergep-tekserý departamentiniń tergeý basqarma basshysy Sáken Kondýbaev málimdedi, dep habarlaıdy ashamnews.kz
Almaty qalasy boıynsha Ekonomıkalyq tergeý departamentiniń basym mindetteriniń biri zańsyz oıyn bıznesimen kúres bolyp tabylady. Oıyn bıznesi 2007 jylǵy 12 qańtardaǵy №219 «Oıyn bıznesi týraly» Zańymen retteledi, onda osy qyzmetti memlekettik retteý negizderi aıqyndalǵan.
«Zańnyń 11-babyna sáıkes kazıno men oıyn avtomattarynyń zaldaryn Almaty oblysynda (Qapshaǵaı) jáne Aqmola oblysynda (Shýche aýdany) ornalastyrylýǵa bolady. Basqa jerlerde ashý zańsyz dep tanylady», - dedi Sáken Kondýbaev.
Qazaqstan Prezıdenti oıyn bıznesi máseleleri jónindegi Zańǵa qol qoıdy jáne ákimshilik buzýshylyqtar týraly Kodekske tıisti tolyqtyrýlar engizdi.
Ózgeristerge sáıkes, 21 jasqa tolmaǵan qazaqstandyqtardy onlaın-kazınolarǵa jáne qumar oıyndarǵa jiberýge tyıym salynady.
Sonymen qatar, qujat onlaın-kazıno men býkmekerlik keńselerdi jarnamalaýǵa tyıym salýdy qarastyrady:
-Qazaqstan Respýblıkasynyń aýmaǵynda sheteldik býkmekerlik keńselerdiń, totalızatorlardyń ınternet-resýrstaryn lısenzıasyz júzege asyrýǵa tyıym salý belgilenedi;
- zań sonymen qatar memlekettik qyzmetshilerdiń, sondaı-aq mundaı bas tartýdy óz erkimen resimdegenderdiń, múliktik óndirip alý týraly atqarýshylyq qujattar boıynsha mindettemeleri oryndalmaǵan boryshkerlerdiń qumar oıyndaryna qatysýyna tyıym salady;
- baılanys operatorlary úshin kazıno men qumar oıyndarynyń jarnamasy bar habarlamalardy jiberýge tyıym salynady. Jalpy, zań ǵımarattarda, qurylys nysandarynda jáne kólikterde, buqaralyq aqparat quraldarynda jáne t. b. býkmekerlik keńseler men totalızatorlardy jarnamalaýǵa tyıym salady;
- sondaı-aq, mádenı uıymdar ornalasqan turǵyn úılerde, jataqhanalarda, ǵımarattarda, bilim berý jáne densaýlyq saqtaý uıymdarynda, dinı ǵımarattarda apparattar ornatýǵa jáne lotereıa satýǵa tyıym sala otyryp, lotereıa bıletterin ótkizý oryndaryna qoıylatyn talaptar belgilenedi.
ÓKQ spıkeri Almaty qalasy boıynsha Ekonomıkalyq tergeý departamenti jyl boıy «qumar oıyndarsyz qala» jáne «Stop-oıyn» aýqymdy jedel-aldyn alý is-sharalaryn ótkizgenin atap ótti.
Máselen, Departament 2023 jyly zańsyz oıyn bıznesine qarsy is-qımyl jelisi boıynsha 14 qylmystyq isti tirkedi. 4 oıyn zaly, 1 býkmekerlik keńse (4 býkmekerlik kasa) 5 jasyryn kazıno, zańsyz oıyn termınaly bar 1 núkte, 1 onlaın-kazıno, áleýmettik jeliler arqyly qumar oıyndardy taratýdyń 2 faktisi toqtatyldy.
Zańsyz aınalymnan: 111 monıtor, 102 prosesor, oıyn termınaly, 37 uıaly telefon, 6 beıne-resıver, 923 500 teńge jáne 500 AQSH dollary kóleminde aqsha alyndy. 2023 jyly 1500-den astam oıyn termınaldary joıyldy.
«Aǵymdaǵy jyldyń birinshi jartyjyldyǵynda zańsyz oıyn bıznesine qarsy kúres salasynda Departamentpen 5 sotqa deıingi tergeý tirkeldi. 4 onlaın-kazıno men bir zańsyz oıyn zalynyń qyzmeti toqtatyldy. Tıktok, Instagram áleýmettik jelilerinde zańsyz qumar oıyndardy uıymdastyrýshylardyń qyzmeti toqtatyldy», - dedi S.Kondýbaev.
Jedel-tergeý is – sharalary barysynda zańsyz oıyn bıznesin-stavkalardy qabyldaý, banktik aýdarymdar arqyly utystardy esepteý jáne berý fýnksıalaryn qoldaıtyn onlaın qumar oıyndaryn uıymdastyrý faktisi anyqtaldy.
Uıymdastyrýshylar QR QK 3-tarmaǵynyń 307-babynyń 2-bóliginde kózdelgen qylmys jasaǵany úshin kináli dep tanyldy (zańsyz oıyn bıznesin uıymdastyrý, iri mólsherde tabys tabýmen aldyn ala sóz baılasý boıynsha adamdar toby) jáne naqty jaza merzimderine sottaldy.
Sondaı-aq, zańsyz oıyn bıznesine qarsy is-qımyl jurtshylyqpen birlesken kúsh-jigermen, onyń ishinde aldyn alý is-sharalaryn júrgizý arqyly kórsetilýi qajet ekenin atap ótti.
«Osyǵan baılanysty kásipkerlerdi, qoǵamdyq jáne jastar uıymdarynyń ókilderin, blogerler men BAQ ókilderin bizdiń Departamentpen birlesip zańsyz oıyn bıznesimen kúreske qosylýǵa shaqyramyz. Búgingi tańda biz yntymaqtastyq úshin ashyqpyz jáne óz quzyretimiz sheginde kez kelgen dabylǵa jaýap berýge daıynbyz», – dep tolyqtyrdy Sáken Kondýbaev.
Barlyq ekonomıkalyq quqyq buzýshylyqtar boıynsha turǵyndar Almaty qalasy boıynsha Ekonomıkalyq tergeý departamentine júgine alady. Senim telefony: 279-29-56 (qońyraýlar táýlik boıy qabyldanady).