Bul joly alaıaqtyq qurbany Almaty polısıasyna alǵysyn bildirdi.
Qyrǵyzstan azamaty Bostandyq aýdandyq PB-nyń qyzmetkerlerine alǵysyn bildirdi.
– Bostandyq aýdandyq polısıa basqarmasynyń tergeýshisi Nursultan Talǵat pen Bostandyq aýdandyq PB bastyǵynyń orynbasary Eldos Baqbergenovke úlken alǵysymyzdy bildiremiz. Kásibıliktiń arqasynda krıptovalútaǵa qatysty alaıaqtyq úshin qozǵalǵan qylmystyq is boıynsha tergeý aıaqtaldy. Kináliler anyqtalyp, ustaldy, krıptovalútadaǵy aktıvterim maǵan qaıtaryldy. Tergeýshi oqıǵanyń barlyq mán-jaıyn anyqtap, ınternet-alaıaqtyq isterin qadaǵalaıtyn halyqaralyq uıymmen baılanysqa shyqty, sonymen qatar krıptovalúta bırjasynyń ókilderimen kásibı túrde dıalog júrgizdi. Jumys tolyq kólemde oryndalyp, istiń biliktiligi durys anyqtalyp, birqatar saraptamalar júrgizildi. Osy qyzmetkerlerdiń kásibı jáne adamı qasıetterin Almaty polısıasynyń basshylyǵyna jetkizýdi azamattyq boryshym dep sanaımyn, – dedi alǵys hattyń avtory.
Esterińizge sala keteıik, taıaý kúnderi fransıalyq azamat ta qalamyzdyń tártip saqshylaryna alǵysyn jaýdyrǵan bolatyn.