Bul baıqaýdy Mádenıet jáne aqparat mınıstrligi jarıalady.
Konkýrs volonterlik qozǵalysty damytý men qoldaýǵa, sondaı-aq áleýmetke jáne qoǵamǵa paıdaly mindetterdi sheshýge eleýli úles qosqan otandyq jáne halyqaralyq volonterler men volonterlik toptardy, volonterlik uıymdardy yntalandyrýǵa baǵyttalǵan, dep habarlaıdy aqshamnews.kz atalǵan mınıstrlikke silteme jasap.
Syılyq adamdarǵa kómek kórsetý, qorshaǵan ortany qorǵaý, bilim berý men mádenıetti damytý, tótenshe jaǵdaılardyń der kezinde sheshimin tabý jáne qoǵamdyq ómirdiń basqa salalarynda da júıeli qyzmet atqarǵan volonterler qaýymdastyǵynyń eń belsendi ókilderin anyqtaýǵa arnalǵan.
Syılyq 15 nomınasıa boıynsha taǵaıyndalady:
Úzdik volonterlik uıym;
Korporatıvtik volonterlik kóshbasshy;
Turaqty damý maqsatynyń kóshbasshylary;
Úzdik áleýmettik kómekshi;
Tótenshe jaǵdaılardy joıýǵa belsendi qatysqany úshin;
Habar-osharsyz ketken adamdardy izdeýge belsendi qatysqany úshin;
Quqyq buzýshylyq qurbandaryna kómek kórsetýge belsendi qatysqany úshin;
Densaýlyq saqtaýdy damytýǵa belsendi qatysqany úshin;
Salaýatty ómir saltyn nasıhattaýǵa belsendi qatysqany úshin;
Bilimdi áıgileýdegi úlesi úshin;
Qorshaǵan ortany saqtaý jáne qorǵaý úshin qosqan úlesi úshin;
Beıbitshilikti, dostyq pen kelisimdi nyǵaıtýǵa qosqan úlesi úshin;
Tarıhı-mádenı muralardy saqtaýǵa jáne damytýǵa qosqan úlesi úshin;
Janýarlardy qorǵaý máselelerin sheshýge qosqan úlesi úshin;
Áleýmettik mindetterdi sheshýge qosqan úlesi úshin.
2024 jylǵy 25 shilde men 5 qyrkúıek aralyǵynda «Qazvolunteer.kz» saıtynda qujattardy qabyldanady.
«Jyl volonteri» halyqaralyq syılyǵyn taǵaıyndaý qaǵıdalarymen jáne qajetti qujattar tizimimen «Qazvolunteer.kz» nemese www.adilet.kz (QR Aqparat jáne qoǵamdyq damý mınıstriniń 2020 jylǵy 12 qazandaǵy № 339 jáne 2022 jylǵy 2 qarashadaǵy № 481 buıryqtary) saıttarynan tanysýǵa bolady.
Silteme: https://adilet.zan.kz/rus/docs/V2000021420
Qatysý erejeleri men qujattardy tapsyrý tártibi týraly tolyq aqparatty +7 (7172) 741286, 740311 baılanys nómirleri nemese r.krasnoschekov@mki.gov.kz elektrondyq poshtasy arqyly alýǵa bolady.