Almatyda «Zań men Tártip» aksıasy aıasynda sybaılas jemqorlyqtyń aldyn alý máseleleri talqylandy
2025 jylǵy 5 aqpanda Almatyda «Zań men Tártip» aksıasy aıasynda Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń ókilderi Medeý aýdany Tótenshe jaǵdaılar basqarmasynyń jeke quramymen kezdesý ótkizdi, dep habarlaıdy Aqshamnews.kz
Kezdesýdi Prevensıa basqarmasynyń basshysy Qanat Salımbaev ashyp, zań men tártipti saqtaý ádiletti qoǵam qurýdyń basty negizi ekenin atap ótti. Ol adaldyq mádenıetin qalyptastyrý men sybaılas jemqorlyqqa múldem tózbeýshilik prınsıpteriniń mańyzdylyǵyna erekshe nazar aýdardy.
İs-shara barysynda qatysýshylar belsendi túrde suraqtar qoıyp, óz pikirleri men usynystaryn ortaǵa salyp, ınteraktıvti pikirtalasqa qatysty. Kezdesýde «Zań men Tártip» ıdeologıasynyń negizgi baǵyttary, qazirgi sybaılas jemqorlyqqa qarsy tetikter jáne azamattardyń osy úderistegi róli talqylandy.
Shara sońynda qatysýshylarǵa Sybaılas jemqorlyqqa qarsy qyzmettiń jumysy men 1424 call-ortalyǵynyń qyzmeti túsindirildi.