Búgin Almatyda «AMANAT» partıasy qalalyq fılıaly janyndaǵy «Jastar Rýhy» jastar qanatynyń kezekten tys VIII esep berý-saılaý konferensıasy ótti. Bul týraly Aqshamnews.kz saıty habarlaıdy.
Jıynda uıymnyń ótken kezeńdegi qyzmeti qorytyndylanyp, aldaǵy basym baǵyttar aıqyndaldy. Qatysýshylar jastar saıasaty, kóshbasshylyqty damytý, eriktilik qozǵalysyn nyǵaıtý, sondaı-aq jastardyń áleýmettik-ekonomıkalyq máselelerin sheshý joldaryn talqylady.
Konferensıa delegattarynyń ashyq daýys berýi nátıjesinde Dildábek Dıdarbek Jumaǵalıuly «Jastar Rýhy» Almaty qalalyq fılıalynyń jańa tóraǵasy bolyp saılandy. Óz sózinde ol jastar saıasatyn damytýǵa qatysty kózqarasyn bildirip, uıym jumysyn odan ári jandandyrýǵa nıetti ekenin aıtty.
İs-sharaǵa qatysqan «Jastar Rýhy» jastar qanatynyń tóraǵasy Aqerke Iskanderova jańa saılanǵan tóraǵaǵa sáttilik tilep, aldaǵy jumystardy aıqyndap, birqatar naqty tapsyrmalar berdi.
Aldaǵy ýaqytta «Jastar Rýhy» jastar bastamalaryn qoldap, olardyń qoǵamdyq ómirge belsendi aralasýyna jaǵdaı jasaýǵa baǵyttalǵan jumystaryn jalǵastyrady.