Áleýmettik jelide Halyq jazýshysy Muhtar Maǵaýınniń atyn kóshe berý bastamasy kóterilip jatyr, dep habarlaıdy aqshamnews.kz
"Almatynyń shetindegi, baıaǵy pereselenderdiń salǵan japyraıǵan usqynsyz úıleri ornalasqan qısyq, sholaq kóshesiniń birine emes, ortalyqtaǵy kósilip jatqan dańǵyldardyń birine mysaly , uzyndyǵy 7000 metr Rozybakıev atyndaǵy kósheni Muhtar Maǵaýın dańǵyly dep aýystyrýǵa kúsh salyp, nátıjesin shyǵarar. Rozybakıev degen ultqa qandaı eńbegi sińgeni belgisiz bireý. VK anyqtamasynda Jetisýda kelmeske ketken Sovet ókimetin ornatý jolyndaǵy kúreske qatysýshy, Áskerı revolúsıalyq komıtettiń múshesi dep jazylypty", – dep jazdy Bota Dn atty azamat.
Ol sonymen birge Maǵaýın ortalyǵyn ashý kerek dep esepteıdi.
"Menińshe, óte-móte durys usynys. Ultymyzdyń tarıhyn túgendep, qıly kezeńniń ólarasynan asa baı rýhanı oramymyzdy, baǵaly bederimizdi arshyp alǵan Muhtar Ata Maǵaýın atyndaǵy kóshe jas urpaqtyń sanasyna sáýle túsirip, qoǵamdyq qozǵalysqa, óz qalamyzdyń tarıhı mazmunyn baıytýǵa ábden laıyq!" – dep jazady atalǵan bastamany qoldaǵan jýrnalıs Dastan Qastaı óz paraqshasynda.