Almaty oblysynda 8 000 ga zańsyz berilgen aýyl sharýashylyǵy maqsatyndaǵy jerler memleketke qaıtaryldy, dep habarlaıdy almaty-akshamy.kz.
Almaty oblysynyń jer resýrstaryn basqarý departamentimen júrgizilgen tekseris nátıjesinde buryńǵy memlekettik sheneýniktiń úlestes tulǵalaryna jalpy kólemi 8 000 ga jaıylym, onyń ishinde Jambyl aýdanynan – 6000 ga, Balqash aýdanynan – 2000 ga jer ýchaskelerin zańsyz, ıaǵnı QR Jer kodeksiniń 43-1 babyn buza otyryp berilgendigi anyqtaldy.
Nátıjesinde Departamenttiń talap aryzy negizinde Almaty oblysynyń mamandandyrylǵan aýdanaralyq ekonomıkalyq sotynyń sheshimimen jer ýchaskesin ýaqytsha óteýli jer paıdalaný týraly úlgi sharttary jaramsyz dep tanylyp, atalǵan jer ýchaskeleri memlekettik menshikke qaıtaryldy.