Almatynyń Almaly aýdanynda jedel ýákilder eki qaraqshyny ustady.
Raıymbek dańǵyly men Tilendıev kóshesiniń qıylysynda, olar, ótip bara jatqan 58 jastaǵy azamatqa shabýyl jasap, jeke múlkin tartyp alǵan, dep habarlaıdy aqshamnews.kz.
— Kúdiktiler ustalyp, qamaýǵa alyndy. Bul qylmysty jedel ashýǵa beınebaqylaý júıeleri yqpal etti. Olardyń kómegimen tonaýdyń mınýt saıynǵy hronologıasyn qurý jáne kúdiktilerdiń júrý baǵytyn anyqtaý múmkin boldy. Qazirgi ýaqytta ustalǵandardyń jeke basy basqa da yqtımal qylmystyq epızodtarǵa qatysy bar-joǵyna tekserilýde, - dedi Almaly aýdandyq PB-na qarasty polısıa bóliminiń bastyǵy Batýrjan Abdýmasarov.
Polısıa, Almatyda barlyǵy 176 myń 670 beınebaqylaý kamerasy jumys isteıtinin eske saldy. Ótken jyly olardyń kómegimen 3 myń qylmys ashyldy, JQE buzýdy qosqanda 3 mıllıon 728 myń 094 ákimshilik quqyq buzýshylyq anyqtaldy.