Onyń kóligin polısıa qyzmetkerleri Almatynyń Alataý aýdanyndaǵy «Shańyraq» shaǵyn aýdanynda bógedi.
Kólikti tekserý barysynda mefedron salynǵan baılam tárkilendi, dep habarlaıdy aqshamnews.kz Polisia.kz-ke silteme jasap.
Ustalǵan 21 jastaǵy jigittiń ózi sıntetıkalyq esirtkini ınternet arqyly jáne betbelgi qoıý arqyly satýmen aınalysqanyn moıyndady. Sheteldik azamattyń qalaǵa birneshe aı buryn kelgendigi belgili boldy. Qylmystyq maqsattaryna jetý úshin kúdikti avtokólikti jalǵa alǵan. Jumysynyń aqysyn elektrondy aýdarymdar arqyly alyp otyrǵan.
Ustalǵan azamat ýaqytsha ustaý ızolátoryna qamaldy. Esirtki satý deregi boıynsha Alataý aýdandyq PB qylmystyq is qozǵady. Qylmystyq bıznestiń basqa da qatysýshylaryn anyqtaý boıynsha jedel sharalar júrgizilip jatyr.