Bul týraly máslıhattyń VII sesıasynda Almaty ákiminiń orynbasary Asqar Ámrın málimdedi, dep habarlaıdy Almaty-akshamy.kz.
Osy maqsattarǵa búdjetten 2023 jyldyń sońyna deıin 3,3 mlrd teńge, aı saıyn 544 mln teńgeden bólý josparlanýda.
Almatyda halyqtyń áleýmettik osal toptary (HÁOT) sanatyna jatatyn 315 myń azamat turady. Atalǵan tulǵalardy qoldaý aıasynda biz tarıfterdi kóterý úshin ótemaqy tóleýdi josparlap otyrmyz. Áleýmettik kómek mólsheri 0,5 AEK (1725 teńge) quraıdy, dep naqtylady Asqar Ámrın.
Ol Memleket basshysynyń tapsyrmasy boıynsha «Investısıalarǵa aıyrbastaý tarıfi baǵdarlamasyna kóshý aıasynda komýnaldyq qyzmetter baǵasynyń shamaly ósýi jyl saıyn jylýmen jabdyqtaý komýnıkasıalaryn 2-2, 5%-ǵa,sýmen jabdyqtaý 2%-ǵa jáne elektrmen jabdyqtaý 1,2%-ǵa jóndeýge jáne ózgertýge múmkindik beretinin, osylaısha megapolıstiń on myńdaǵan turǵyndaryn sapaly ınjenerlik jelilermen qamtamasyz etetinin túsindirdi.
Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov atap ótkendeı, ótemaqy sýmen jabdyqtaý, sý burý, gaz, jylytý jáne t. b. sıaqty qyzmetterdiń 12 túri boıynsha tarıfterdiń kóterilý aıyrmashylyǵyn jabatyn bolady.
Mysaly: páteri 40 sh. m. bolatyn azamattarǵa tarıfterdiń ósýi 110%-ǵa 60 sh. m - tarıfterdiń 90%-y,70 sh. m. tarıfterdiń 80%-y jabylady.
Osy Erejeler aǵymdaǵy jyldyń sońyna deıin qoldanysta bolady, odan ári uzartý Almaty qalasynyń 2024-2026 jylǵa arnalǵan búdjetin ázirleý kezinde qaralady.
Ótemaqyǵa qujattardy aýdandyq ákimdikter men Almaty qalasynyń Jumyspen qamtý jáne áleýmettik baǵdarlamalar basqarmasy qabyldaıdy, tólemder ótinish berýshilerdiń shottaryna ekinshi deńgeıdegi bankter arqyly túsetin bolady.
Anyqtama úshin:
HÁOT sanattaryndaǵy 315 430 azamattyń:
• UOS aradgerleri – 54 adam. (0,02%);
• basqa memleketter aýmaǵyndaǵy áskerı is-áreketterdiń ardagerleri - 2978 adam (0,94%);
• UOS ardagerdlerine teńestirilgender – 1538 adam (0,48%);
• Birinshi jáne ekinshi toptaǵy múgedekter – 28 433 adam. (8,9%);
• Múgedek balasy bar otbasylar nemese olardy tárbıeleýshiler – 8591 adam (2,71%);
• «Altyn alqa», «Kúmis alqa» tósbelgisimen marapattalǵandar, kópbalaly analar – 35 562 adam (11,2%);
• memlekettik nemese qoǵamdyq mindetterdi, áskerı qyzmetti atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyqtyq tártipti qorǵaý kezinde qaza tapqan (qaıtys bolǵan) adamdardyń otbasylary, – 534 adam (0,16%);
• jasy boıynsha zeınetkerler – 237 740 adam. (75,1%).